Konpromisoa
ingurumenarekin
eta garapen
iraunkorrarekin

Busturiak natur ezaugarri paregabeak ditu, oso bereziak: udalerria Urdaibaiko Biosfera Erreserbaren barruan dago, eta gure lurzoruaren laurdena, gutxi gorabehera, Natura 2000 Sarean dago. Bide bi horien aldeko apustua egin dugu.

Ingurune fisikoaren garapena
egitea lurraren analisi integralean
zein natura-ingurunearen
garrantzian oinarrituta eta ingurumen-konpromisoak txertatuta

• Tokiko plangintza egokitzea eta bertan txertatzea EAEk eta Urdaibaiko Patronatuak bere egindako ingurumenaren arloko konpromisoak, ekintza-estrategiak eta kudeaketa planak.

• Babestutako naturguneak zein katalogatutako basa-animalia eta -landareak batzea.

• Gunean interes handiena duten baliabide, ekosistema, habitat eta espezieak babesteko lehentasunak adieraztea.

• Bertoko basoa babestea, zaintzea eta bere azalera hedatzea. Horretarako, basoberritzeak egitea eta bertoko espezieak landatzea proposatzen da.

• Basoko animali eta landare espezieak zaintzen laguntzea, aniztasun genetikoa bermatzea eta habitata mantentzea, bereziki desagertzeko arriskuan dauden espezieei dagokienez.

• Balio handiko paisaiak eta kultura ondarea babestea.

• Lur-azaleko uretako edota ibai-ertzetako ekosistemen kalitatea mantentzea eta hobetzea, eta arreta jartzea horiei eragiten dieten faktoreei (okupazioak, afekzioak...).

• Lurpeko akuiferoen kalitatea mantentzea eta horien gehiegizko ustiatzea galaraztea, dela hiri-ondakinei dagokienez, dela nekazaritza- edota abeltzaintza-hondakinei dagokienez.

• Lubiziak edota erosioa pairatzeko arriskua duten guneetako landarediaren mantentze-lanak hobetzea eta bermatzea, basoberritze politika sustatuta.

• Ibai-ertzetan edota urez bete daitezkeen guneetan edozein motatako eraikuntzak egitea galaraztea.

Ingurumena.pdf

Autonomia energetikoaren
eta kudeaketa-autonomiaren bidean. Energia-eredua, hondakinak
eta zerbitzu-sareak:

• Uraren kalitatearen babesa arroetan eta urak biltzeko guneetan.

• Saneamendu-sarearen loturak hobetzea.

• Energia eraginkortasuna. Eskala txikian energia berriztagarria ekoizteko proiektuak ezartzeko aukera aztertzea.

• Hondakinak gutxitzeko eta energia-baliabideak aurrezteko neurriak diseinatzea.

• Hondakin organikoen kudeaketaren autonomian aurrera egitea, konpostajerako gune txikien bidez.